Мадриднинг "Реал" клуби ярим ҳимоячиси Браим Диас ўз келажаги борасида бир қарорга келган. 25 ёшли футболчининг "Лос-Бланкос"нинг асосий таркибида доимий ўрни йўқ, сўнгги пайтларда матбуотда марокашлик футболчининг "Милан"га қайтиши мумкинлиги ҳақида гаплар кетмоқда.
Бироқ ҳужумкор ярим ҳимоячининг ўзи "Реал"ни тарк этмоқчи эмас, дея хабар беради журналист Хосе Феликс Диас.
Футболчи ўз кучига ишонади ва вақт ўтиши билан у асосий таркибга кира олишига ишонади. Браим Диас жорий мавсумда "Реал"нинг 9 та ўйинида қатнашиб, битта гол урди ва иккита голли узатмани амалга оширди. Ярим ҳимоячининг шартномаси 2027 йилгача мўлжалланган.
