18 ёшида Жоау Виктор де Соуза "Сантос" сафида порлади. Б Серияда яқинда ишдан бўшатилган Фабио Карил бошчилигида ҳимоячи асосий таркибидан жой олишга муваффақ бўлди. У "Сантос"нинг ўйинига шунчалик мос тушдики, Европанинг бир қанча жамоалари уни аллақачон ўз таркибига қўшишни ўйламоқда.
AS хабарига кўра, "Барселона" ва "Челси" аллақачон чап қанот ҳимоячисини сотиб олиш имкониятини муҳокама қилишган.
Бундан ташқари, футболчига Саудия Арабистонидан ҳам таклиф бор. Бу қизиқиш расмий таклифга айланадими ёки йўқлигини айтишга ҳали эрта бўлса-да, "Сантос" бразилияликнинг 2025 йилнинг май ойида тугайдиган шартномасини узайтириш бўйича музокараларни аллақачон бошлаб юборган.
Жоау Виктор де Соуза бу йил 19 та ўйин ўтказиб, 1 та гол ва 4 та голли узатмани амалга оширган.
