"Бавария" бош мураббийи Венсан Компани вингер Лерой Сане ҳақидаги саволга жавоб берди.
"Таркибимизда жаҳон даражасидаги тўрт нафар қанот ярим ҳимоячиси бор, албатта Лерой улардан бири. Олисе ажойиб формада, Сане ҳам, Гнабри ва Коман ҳақида гапиряпман. Биз ушбу лавозимдаги кадрлар даражасидан жуда мамнунмиз. Мен Леройнинг нималарга қодирлигини узоқ вақтдан бери биламан", - деди мураббий.
Саненинг "Бавария" билан шартномаси ёзда тугайди, шу фонда немис футболчисига бошқа клублардан қизиқиш ҳақидаги миш-мишлар тез-тез учраб туради. Жорий мавсумда Сане 11 та учрашувда қатнашиб, 3 та гол урди.
