Лондоннинг "Челси" клуби "Барселона"нинг икки футболчисини кузатмоқда.
Гап ҳимоячилар Жюль Кунде ва Рональд Араухо ҳақида кетяпти. TBR Football хабарига кўра, "кўклар"нинг қизиқишлари рўйхатида иккала футболчи ҳам бор. Аввалроқ, Каталония гранди кейинги йилнинг ёзида кўплаб ҳимоячилардан бири билан хайрлашишга тайёрлиги ҳақида маълумотлар пайдо бўлган эди, аммо француз ва уругвайлик юлдузларни сотиш "кўк-анорранглилар" режаларига кирмаслиги мумкин.
Transfermarkt экспертларининг ҳисоб-китобларига кўра, 26 ёшли Кунденинг нархи 55 миллион еврони ташкил этади. 26 ёшли Араухонинг нархи худди шу порталда - 70 миллион евро. Биринчиси клуб билан 2027 йилгача шартнома тузган, иккинчисининг шартномаси эса бир йил олдинроқ тугайди.
