"Барселона" ҳужумчиси Роберт Левандовски 2012 йилда содир бўлган воқеани эслади.
Ўшанда польшалик футболчи "Манчестер Юнайтед"га ўтишга рози бўлганди. Бироқ якунда трансфер амалга ошмаганди.
"Мен "Манчестер Юнайтед"га "ҳа" дедим. Чунки сэр Алекс Фергюсон сизга қўнғироқ қилганида, рад этишнинг иложи йўқ. Аммо Дортмунднинг "Боруссия" клуби президенти билан бўлган суҳбатни ҳам эслайман. У клубга мен кераклигимни айтди ва улар мени "Манчестер Юнайтед"га сотмасликларини айтди" - деди Левандовски Rio Meets дастурида.
Левандовски 2013/2014 йилги мавсум охиригача "Боруссия"да ўйнаган ва "Бавария"га ўтганди.
