"Манчестер Юнайтед"нинг янги бош мураббийи Рубен Аморим ўзининг илк машғулотларида баъзи футболчилардан ҳафсаласи пир бўлди.
The Sun нашрининг ёзишича, португалиялик мураббий иш шиддатидан норози бўлган. Бир неча бор Аморим футболчиларни тез ҳаракат қилишга ундаган. Манбага кўра, Аморим ўз тизимига тўғри келмайдиган бир қанча футболчиларни аниқлаб бўлган.
Португалиялик мураббий ҳозирда "Манчестер Юнайтед"ни ўзининг севимли 3-4-3 схемасида ўйнаши учун ҳаракат қилмоқда. Рубен Аморим 24 ноябр, якшанба куни "Ипсвич"га қарши "Манчестер Юнайтед" бош мураббийи сифатида дебют учрашувини ўтказади.
