Аргентина терма жамоаси ва «Галатасарай» ҳужумчиси Мауро Икарди ўзнинг турмуш ўртоғи Ванда Нара билан ажрашаётган бир пайтда, Ванда ундан 38,5 миллион евро талаб қилиб судга мурожаат қилди.

Унинг фикрича, Мауронинг футболдаги муваффақиятли карьераси айнан унинг кўмаги билан рўй берган, ва шунга мувофиқ, ўзини бу даромадларнинг «адолатли улуши»га ҳақли деб ҳисобламоқда, деб хабар беради "Nogo Mania".  

Бундан ташқари, Ванда фарзандлари учун алимент талаб қилмоқда. Жуфтлик икки қизни тарбиялаган. Шу билан бирга, Ванда Нара ажралиш жараёни ҳали якунланмасдан туриб, аргентиналик рэпер L-Gante билан муносабат ўрнатган.  

Қайд этиш жоизки, Ванда Нара узоқ вақт давомида Мауро Икардининг агенти бўлиб, унинг манфаатларини ҳимоя қилган. Илгари «Интер» раҳбарияти ва Икарди томони ўртасида, хусусан, Ванданинг хатти-ҳаракатлари ва хулқи туфайли келишмовчиликлар бўлгани хабар қилинган эди.