L'Equipe бош муҳаррири ўринбосари Жан-Филипп Леклер "ПСЖ" дарвозабони Матвей Сафоновнинг "Тулуза" билан сўнгги учрашувидаги иштироки ҳақида гапирди.
Франция 1-лигасининг 12-туридан ўрин олган учрашув “ПСЖ”нинг 3:0 ҳисобидаги йирик ғалабаси билан якунланди.
Россиялик дарвозабон учун бу Париж клубидаги учинчи ўйин бўлди. Журналистнинг фикрича, Сафонов «ПСЖ» билан шартнома имзолаганидан кейин ўзининг энг яхши ўйинини ўтказди.
"Ростини айтсам, Луис Энрике дарвозабонларни қандай танлашини ҳеч ким тушунмайди. "Бавария"га қарши ўйинда ким асосий таркибда майдонга тушиши ҳозирча ноъмалум", - дея Леклернинг сўзларидан иқтибос келтиради "Спорт-Экспресс".
