"Барселона" бош мураббийи Ханс-Дитер Флик "Сельта"га қарши ўйинда (2:2) жамоасининг ўйинидан жуда хафа бўлди.
Учрашувнинг бориши якунда остин-устун бўлди: 82-дақиқада Марк Касадо қизил карточка олиб, каталонияликларни озчиликда қолдирди, 84 ва 86-дақиқада майдон эгалари иккита гол уриб, мағлубиятдан қутулиб қолишди.
Ўйин тугаши биланоқ Флик “Барселона” футболчиларига кийиниш хонасида жаҳл билан танбеҳ берди, деб хабар беради LaTdT. Немис мураббийининг жуда жаҳли чиқди ва ўйинчиларга финал ҳуштагигача бор эътиборни жамлашлари кераклигини тушунтиришга ҳаракат қилди. Флик ўйин давомида қилинган қўпол индивидуал хатолардан жуда хафа бўлди.
