"Манчестер Сити" ҳужумчиси Эрлинг Холанд "шаҳарликлар" билан 2028/2029 йилги мавсум охиригача амал қиладиган янги шартномани шу йил охиригача имзолайди. Бу ҳақда Marca хабар бермоқда.
Манбага кўра, "Манчестер Сити"нинг жамоа бош мураббийи Хосеп Гвардиола билан шартномасини узайтиргани норвегиялик футболчининг меҳнат шартномасини узайтириш қарори тўғри эканлигига ишонч ҳосил қилишига сабаб бўлган.
Таъкидланишича, "шаҳарликлар" Холанд билан янги шартнома тузишда қандайдир ён босишга тайёр. 24 ёшли футболчининг шартномасида унга баъзи клублар, масалан, "Реал Мадрид" томонидан қизиқиш бўлса, уни муддатидан олдин бекор қилиш банди бўлиши режалаштирилган.
