"Лацио" А Сериянинг жорий мавсумида ажойиб натижаларни кўрсатмоқда.

Якшанба куни римликлар "Болонья"ни 3:0 ҳисобида мағлубиятга учратиб, чемпионатдаги ғалабалар сериясини кетма-кет бешта ўйингача узайтирди. "Лацио" 13 турдан сўнг жами тўққизта учрашувда ғалаба қозонди - бу клуб рекордининг такрорланиши, деб хабар беради Opta. Илгари бундай кўрсаткичга фақат 2017/18 йилги мавсумда эришиб, пойтахт жамоаси мавсум якунида бешинчи ўринни эгаллаган эди.

"Лацио" ҳозир ҳам ўша бешинчи ўринни эгаллаб турибди, аммо етакчи "Наполи"дан очколар фарқи бор-йўғи бир очко.