"Манчестер Юнайтед" бош мураббийи Рубен Аморим АПЛнинг "Ипсвич" билан дуранг ўйнаган (1:1) учрашувидан сўнг ўз фикрини билдирди. Ушбу ўйин португалиялик мутахассис учун "қизил иблислар" бошқарувидаги дебют ўйини бўлди.
- Бу ҳафтада мен оммавий ахборот воситалари билан "Спортинг"даги тўрт йилга нисбатан кўпроқ мулоқот қилдим. Лекин мен шунчаки ўз ўйинчиларим билан ишлашни хоҳлайман, бошқа ҳеч гап йўқ. Ўйин пайтида менинг ўйинчиларим жуда кўп ўйлашди, бу сезилиб турарди, - дейди журналист Фабрицио Романо Аморимдан иқтибос келтирган ҳолда.
12 турдан сўнг "Манчестер Юнайтед" 16 очко билан Англия Премьер-лигаси турнир жадвалида 12-ўринни эгаллаб турибди.
