«Пахтакор» бош мураббийи Максим Шацких Эроннинг «Истиқлол» клубига қарши ўйиндан олдин матбуот анжуманида иштирок этди.
«Истиқлол»ни ўрганиш ва тайёргарликка кўп вақтимиз бўлмади, лекин имкон қадар рақибни таҳлил қилдик. Ўйин иккала жамоа учун ҳам жуда муҳим саналади. Ҳар бир очконинг қадри катта. Биз яхши ўйин кўрсатган ҳолда ижобий натижа қайд этишга интиламиз. Рақиб сафида деярли барча ҳужумларни Машарипов ташкил қилаётганини айтган бўлардим. Умид қиламанки, эртага унинг куни бўлмайди ва биз уни тўхтата оламиз. Беллашувда режаларимизни ишга солиб, керакли натижага эришишга ҳаракат қиламиз», - деди Шацких.
Учрашув бугун, 25 ноябрь куни Тошкент вақти билан 21:00 да старт олади.
