"Барселона" бош мураббийи Ханс-Дитер Флик Гавининг Жюль Кундени очиқ танқид қилганидан норози.

Франциялик футболчи “Сельта” билан ўйинда қўпол хатога йўл қўйди ва шу туфайли “кўк-анорранглилар” якунда ғалабани қўлдан бой берди (2:2).

Гави ушбу эпизод ҳақида гапирар экан, очиқчасига ўз ҳиссиётларини билдирди: “Биз ўтказиб юборган биринчи гол шунчаки аҳмоқона эди.

У тўпни тепиши керак эди. Бу футбол, ​​биз ўрганишимиз керак”, - деганди испаниялик.

Флик Гавининг хатти-ҳаракатини маъқулламади – мураббий унинг Кундени очиқ танқид қилганидан норози эди, деб ёзади Diario Sport.

Немис мутахассиси ҳимоячига тўлиқ ишонади ва уни кўпинча жамоадаги энг масъулиятли футболчилардан бири сифатида тилга олади.