"Барселона" Лиссабоннинг "Спортинг" клуби ҳужумчиси Виктор Дьёкерешни сотиб олмоқчи. Каталония клуби шведни Роберт Левандовскининг идеал вориси деб билади.
Diario Sport хабарига кўра, "блауграна" раҳбарияти келаси ёзда Дьёкереш учун зарур бўлган 70 миллион еврони тўлашга, кейин эса Левандовскининг шартномаси тугагунига қадар уни "Спортинг"га ижарага юборишга тайёр.
Виктор Дьёкереш жорий мавсумда 19 та ўйинда майдонга тушиб, 24 та гол ва 4 та голли узатмани амалга оширди.
26 ёшли футболчига “Манчестер Сити”, “Манчестер Юнайтед”, “Челси” ва бошқа топ-клублар ҳам қизиқиш билдирмоқда.
