Мадриднинг “Реал” клуби дарвозабони Тибо Куртуа келажакдаги узоқ муддатли режалари билан ўртоқлашди.
32 ёшли белгиялик футболчининг "Қироллик клуби" билан шартномаси 2025/26 йилги мавсум охирида якунига етади. Дарвозабон фаолиятидан кейин ҳам клубда қолишни хоҳлашини тан олди.
"Ўн йилдан кейин ўзимни қаерда кўраман? Афсуски, шу пайтгача мен фаолиятимни якунлаган бўламан. Умид қиламанки, қайсидир маънода "Реал" билан боғланиб қоламан. Балки мен ёшлар академиясида жой оламан ёки дарвозабонлар тайёрлаш билан боғлиқ бирор иш билан шуғулланаман. Мени бу қизиқтиради", - дейди футболчи.
Тибо Куртуа 2018 йилдан бери "Реал"да ўйнаб келмоқда.
