"Барселона" бош мураббийи Ханс-Дитер Флик Ламин Ямалнинг ҳолати ҳақида янгиланган маълумотлар билан ўртоқлашди.
17 ёшли футболчи Франциянинг "Брест" жамоасига қарши Чемпионлар лигасининг навбатдаги ўйинини ўтказиб юборади, аммо қанот ҳужумчиси сафга қайтгунига қадар кўп вақт ўтмайди.
“Сиз Ламиннинг даражасини биласиз. У билан олдимизда кўпроқ имконият мавжуд. Менимча, "Брест" билан ўйин унинг ўтказиб юборган охиргиси бўлиши мумкин. У шанба куни захирадан сифатида майдонга тушиши мумкин", - дейди Ханс-Дитер Флик.
Шанба куни "блауграна" ўз уйида Ла Лига доирасида "Лас Пальмас"га қарши ўйин ўтказади.
