"Вулверхэмптон" мавсумни ҳалокатли бошлаганидан сўнг, лиганинг сўнгги тўрт ўйинида 8 очко жамғариб, яна тиклана бошлади.

"Бўрилар"нинг баъзи ўйинчиларига узоқ вақтдан бери бошқа клублар қизиқиб қолишган, шунинг учун қишки трансфер ойнаси улар учун осон бўлмаслиги мумкин.

TBR Football хабарига кўра, "Манчестер Юнайтед", "Астон Вилла" ва "Тоттенхэм" Матеус Куньяга эътибор қаратмоқда. "Бўрилар" бу клубларнинг қизиқишидан хабардор, аммо январь ойидаги трансфер ойнасида асосий ўйинчилар сотилмаслигини таъкидламоқда ва жамоа Премьер-лигадан тушиб кетмаслик учун ўз таркибини кучайтирмоқчи.

Форварднинг "бўрилар" билан шартномаси 2027 йилгача мўлжалланган бўлиб, унинг қиймати 45 миллион еврони ташкил қилади.

Матеус Кунья жорий мавсумда 13 та ўйинда майдонга тушиб, 7 та гол ва 3 та голли узатмага муаллифлик қилган.