"Vulverxempton" mavsumni halokatli boshlaganidan so‘ng, liganing so‘nggi to‘rt o‘yinida 8 ochko jamg‘arib, yana tiklana boshladi.
"Bo‘rilar"ning ba’zi o‘yinchilariga uzoq vaqtdan beri boshqa klublar qiziqib qolishgan, shuning uchun qishki transfer oynasi ular uchun oson bo‘lmasligi mumkin.
TBR Football xabariga ko‘ra, "Manchester Yunayted", "Aston Villa" va "Tottenxem" Mateus Kunyaga e’tibor qaratmoqda. "Bo‘rilar" bu klublarning qiziqishidan xabardor, ammo yanvar oyidagi transfer oynasida asosiy o‘yinchilar sotilmasligini ta’kidlamoqda va jamoa Premyer-ligadan tushib ketmaslik uchun o‘z tarkibini kuchaytirmoqchi.
Forvardning "bo‘rilar" bilan shartnomasi 2027 yilgacha mo‘ljallangan bo‘lib, uning qiymati 45 million yevroni tashkil qiladi.
Mateus Kunya joriy mavsumda 13 ta o‘yinda maydonga tushib, 7 ta gol va 3 ta golli uzatmaga mualliflik qilgan.
