Миш-мишларга кўра, ҳимоячи Трент Александр-Арнольд келаси йили "Ливерпул"ни тарк этиб, "Реал"га ўтиши мумкин.
Бу ҳақда 2004 йилнинг ёзида мерсисайдликлар клубидан Мадрид клубига ўтган Майкл Оуэн изоҳ берди.
"Трент билан вазият қизиқ тусга кирган.
Трент "Ливерпуль" учун ҳамма нарсани қилди. У "Ливерпул"ни яхши кўради. Агар у кетса, ҳеч ким ғазабланмаслиги керак, чунки у фаолиятида янги тажрибага эга бўлади.
Нима бўлишидан қатъи назар, уни қаҳрамон деб ҳисоблаш керак.
Бу трансфер баъзилар назарида Трентга доғ туширади, аммо бундай бўлмаслиги керак", деди Оуэн. Эслатиб ўтамиз, Майкл Оуэн “Реал”да бор-йўғи бир мавсум ўтказган ва кейин Англияга қайтган.
