Mish-mishlarga ko‘ra, himoyachi Trent Aleksandr-Arnold kelasi yili "Liverpul"ni tark etib, "Real"ga o‘tishi mumkin.
Bu haqda 2004 yilning yozida mersisaydliklar klubidan Madrid klubiga o‘tgan Maykl Ouen izoh berdi.
"Trent bilan vaziyat qiziq tusga kirgan.
Trent "Liverpul" uchun hamma narsani qildi. U "Liverpul"ni yaxshi ko‘radi. Agar u ketsa, hech kim g‘azablanmasligi kerak, chunki u faoliyatida yangi tajribaga ega bo‘ladi.
Nima bo‘lishidan qat’i nazar, uni qahramon deb hisoblash kerak.
Bu transfer ba’zilar nazarida Trentga dog‘ tushiradi, ammo bunday bo‘lmasligi kerak", dedi Ouen. Eslatib o‘tamiz, Maykl Ouen “Real”da bor-yo‘g‘i bir mavsum o‘tkazgan va keyin Angliyaga qaytgan.
