Александр Чеферин нотижорат миссияси ҳақида гапирди.
"Асосий турнирларимиз фойда олишга қаратилган эмас. Улар бирдамлик, даромадларни қайта тақсимлаш ва ривожланишга қаратилган.
Булар мода шиорлари эмас. Бирдамлик хайрия эҳсони эмас. УEФА учун ҳамжиҳатлик бизнинг мавжудлигимизнинг маъносидир.
Биз соф даромадимизнинг 97 фоизини футболга қайта тақсимлаймиз. Ҳа, 97%. Қолган маблағ ҳаражатларни қоплаш ва спортимизнинг муҳим тармоқлари - аёллар, ёшлар ва футзални қўллаб-қувватлашга сарфланади.
Биз кўпроқ пул топсак, кўпроқ пул берамиз. Буни яна ким қилади? Яна ким даромаднинг бундай улушини асосий соҳани молиялаштириш, аёллар футболини ривожлантириш, ёшлар ўртасидаги турнирларни қўллаб-қувватлаш каби фундаментал мақсадларга сарфлайди?
Бу харажатлар эмас. Бу инвестиция. Ўйинга, одамлар ва жамоаларга сармоя. Бу жамият манфаатлари учун қилинган сармоядир", деди УEФА президенти.
