Харри Кейн фикрича, Жамол Мусиала дунёнинг энг яхши футболчиларига яқинлашди.
"Албатта, агар у қолса хурсанд бўламан! У фантастик футболчи.
Унда дунёнинг энг яхши футболчиларидан бирига айланиш учун барча имконият бор. Энди у бунга яқин. Биз унинг қанчалик иқтидорли эканлигини биламиз.
Мен ва бошқа тажрибали футболчилар унга кўпроқ гол уришга ёрдам бердик. Майдоннинг энг яхши футболчиси бўлишнинг ўзи етарли эмас, ўйинлар боришига таъсир ўтказишга ҳаракат қилиш керак. Мен жамоага келганимдан сўнг унинг маҳорати ўсди", - дейди “Бавария” ҳужумчиси Кейн.
