Мануэль Нойер - еврокубокларда 150 дан ортиқ ўйин ўтказган тарихдаги 4-дарвозабонга айланди.

"Бавария"нинг 38 ёшли дарвозабони Чемпионлар лигаси гуруҳ босқичи 5-туридан ўрин олган "ПСЖ"га (1:0) қарши ўйинда иштирок этди.

Бу ўйин унинг ушбу турнирдаги 145-учрашуви бўлди. У УЕФА кубогида ҳам 5 та ўйин ўтказган (2008/09 йилги мавсумда "Шальке" таркибида).

Шу тариқа, Нойер еврокубокларда жами 150 та ўйин ўтказди (УЕФА Суперкубоги учун ўйинларни ҳисобга олмаганда).

Дарвозабонлардан фақат Икер Касильяс (179), Жанлуиджи Буффон (159) ва Хосе Рейна (157) Европанинг йирик клуб мусобақаларида кўпроқ ўйин ўтказган.