"Реал Мадрид" бош мураббийи Карло Анчелотти жамоанинг бразилиялик вингери Винисиус Жуниорнинг жароҳати туфайли "Ливерпуль" билан Чемпионлар лигаси умумий босқичи 5-тур учрашувида жамоани 4-4-2 схемасига тўлиқ ўтказмоқда. Бу ҳақда Испаниянинг Relevo нашри хабар берди.
Манбага кўра, "Лос-Бланкос" "Ливерпуль" билан ўйинга франциялик ҳужумчи Килиан Мбаппе ва марокашлик ҳужумкор ярим ҳимоячи Браим Диас жуфтлигини ҳужумда ўйнашга тайёрламоқда. Айни пайтда туркиялик ҳужумкор футболчи Арда Гюлер ярим ҳимоя қанотларидан бирида майдонга тушиши керак.
“Ливерпуль” – “Реал” учрашуви бугун, 27 ноябрь куни “Энфилд”да бўлиб ўтади.
