«ПСЖ» марказий ҳимоячиси Преснел Кимпембе Франция чемпионатини Испания Ла Лигасига ўзгартириши мумкин, деб хабар беради «Todofichajes».
Журналистлар хабарига кўра, 29 ёшли футболчини ўз сафига «Реал» клуби қўшиб олишга қизиқмоқда. «Қироллик клуби» ўзининг ҳимоя чизиғида муаммоларга дуч келмоқда ва мустаҳкамловчиларни қидирмоқда. Кимпембе номзоди «Лос-Бланкос» учун устувор вазифалардан бири ҳисобланади.
Преснелнинг парижлик гигант билан шартномаси 2026 йилнинг июнь ойи охиригача амал қилади. «Transfermarkt» портали ҳимоячининг бозор қийматини тўққиз миллион еврога баҳоламоқда.
