Чемпионлар лигасининг беш турида “ПСЖ” тўрт очкони қўлга кирита олди. Жамоа бош мураббийи Луис Энрике қитъанинг клублар ўртасидаги асосий турниридаги натижалар учун масъулиятни ўз зиммасига олди.
"Масъулият глобалдир, у бутун жамоага тегишли. Биз қаҳрамонлар ёки ёвузларни қидирмаслигимиз керак. Ҳар доим кимнидир айблаш истаги бор. Агар кимдир айбдор бўлса, бу менман. Мен жавобгарман. Бўлди – айбдорни топдингиз. Бундан буён барча танқидларни қабул қиламан" - деди Энрике Canal+ нашрига.
Чемпионлар лигасининг навбатдаги турида “ПСЖ” сафарда “Ред Булл Зальцбург”га қарши баҳс олиб боради. Ўйин 10 декабрь, сешанба куни бўлиб ўтади.
