Жозе Моуриньо ёздан бери Туркиянинг “Фенербахче” клубини бошқариб келмоқда. Португалиялик мутахассис Англияга қайтиб, “Вест Хэм”ни бошқаришни истайди. Бу ҳақда Лондон клубининг собиқ скаути Мик Браун хабар берди.
"Эшитишимча, Моуриньо жуда қизиқади. Унинг Лондонда ҳали ҳам уйи бор, бу эса ишларни осонлаштиради. Менга Лондон клубига қайтиш имкониятидан фойдаланиб қолишини айтишганди. У Англияга қайтмоқчи ва уни Туркиядан келишга кўндириш муаммо туғдирмайди деб ўйлайман", - деди Браун Football Insider билан суҳбатда.
Жозе Моуриньо бунгача Англиянинг “Челси”, “Манчестер Юнайтед” ва “Тоттенхэм” клубларини бошқарган.
