Лондоннинг "Тоттенхэм" клуби бош мураббийи Анж Постекоглу жамоа дарвозабони Гульельмо Викарионинг жароҳати ҳақида фикр билдирди.
Аввалроқ дарвозабоннинг ўзи ҳам оёғи синган ҳолда "Манчестер Сити" билан ўйинда (4:0) бир соат ўйнаганини тан олганди.
"Викарио бир неча ой давомида йўқ бўлади. Унинг тўпиғи синган ҳолда 60 дақиқа шу даражада ўйнагани Гульельмо ҳақида кўп нарсадан далолат беради", - деди Постекоглу.
Жорий мавсумда 28 ёшли Викарио барча турнирларни ҳисобга олган ҳолда 15та учрашувда қатнашиб, 15та гол ўтказиб юборди ва тўрт марта ўз дарвозаси дахлсизлигини сақлаб қола олди.
