“Бунёдкор” – “Бурирам Юнайтед” учрашуви олдидан гуамлик комиссар Майкл Жон бошчилигида ҳар иккала жамоа расмийлари иштирокида менежерлар йиғилиши бўлиб ўтди.
Ундаги келишувга кўра, эртанги учрашувда “қалдирғочлар” оқ рангли формаларда ҳаракат қилишади. Дарвозабонимиз яшил кийимларни кияди.
Таиландликлар эса тўқ-кўк рангли либосларда кўриниш беришади. Рақиб посбони эса кулранг кийимларни кийган ҳолда майдонга чиқади.
Эслатиб ўтамиз, “Бунёдкор” – “Бурирам Юнайтед” учрашуви 21 май куни соат 19:00да бошланади.
