"Ливерпуль" ва "Ньюкасл" клубларининг собиқ дарвозабони Льорис Кариус футболчилик фаолиятини якунлаш ҳақида ўйлаётганини айтди.
Кариус ўтган мавсум охири "Ньюкасл" билан шартномаси тугаганидан бери клубсиз, у икки йил давомида атиги иккита ўйинда майдонга тушди.
31 ёшли германиялик посбон ҳалигача ўзига мос таклиф олгани йўқ, шу боис у қўлқопини осиб, ҳаётда бошқа бир иш билан шуғулланиши мумкинлигини истисно этмаяпти.
"Агар сиз мен каби узоқ вақт ўйнамаган бўлсангиз, нафақага чиқиш ҳақида ўйлашингиз мантиқан тўғри келади. Мен ҳали қарор қилганим йўқ, чунки бунга мажбур эмасман. Мен ҳали ҳам соғломман. Менда ҳали салоҳиятим ва қобилиятларим бор.
Агар бу эшик очилмаса, мен ўзимга ҳалол бўлишим керак. Эшитинг, мен сўнгги йилларда бошимдан кечирган нарсаларни ҳисобга олсак, мен қила оладиган бошқа кўп нарсалар мени қизиқтиради", - деди Кариус Daily Mirror билан суҳбатда.
