Гути Килиан Мбаппенинг "Реал"даги ўйини ҳақида ўз фикри билан ўртоқлашди.
Чемпионлар лигасининг 5-тури доирасидаги учрашувда Мадрид клуби сафарда "Ливерпул"га 0:2 ҳисобида имкониятни бой берди. Учрашувнинг 61-дақиқасида франциялик форвард пенальтидан фойдалана олмади.
"Барчамиз Мбаппе билан нима бўлганини билишни хоҳлаймиз. Унга ишонч етишмаяпти. Пенальтини амалга оширишдан бир неча дақиқа олдин у қўрқиб кетгандек туюлди.
Килиан "Ливерпуль" ва "Барселона"га қарши ўйинларда вазифани бажара олмади. Бу ҳақиқат.
Футболчи "Реал"дек клубга тезда мослашиб кетишини тасаввур қилиш қийин. Бу ерда ўйнаш жуда қийин.
Биз уни ҳимоя қилишимиз керак. Перес, клуб ва Анчелотти уни ҳимоя қилади, чунки биз ҳаммамиз унга ишонамиз. Мен унга ишонаман.
Танқид қилиш ва унга арзимайди дейиш осон, лекин Мбаппе дунёнинг энг яхши футболчиларидан бири", - деди "Реал"нинг собиқ футболчиси Гути El Chiringuito de Jugones телеканалида.
