Германиянинг "Лейпциг" клуби яқин орада бош мураббий Марко Розе билан хайрлашмайди. Бу ҳақда Kicker нашри хабар берди.
Ғалабаларнинг йўқлиги, Чемпионлар лигасидаги муваффақиятсизлик ва Бундеслигада учинчи ўринга тушиб кетгани Розе атрофидаги миш-мишларга сабаб бўлди, бироқ манба мутахассиснинг фаолиятини якунлаш режаси йўқлигини тасдиқлади.
"Лейпциг" охирги марта октябрь ойида ғалаба қозонган. Бу Германия кубогида "Санкт-Паули" билан ўйинда эди. Ўшандан бери жамоа барча турнирларда тўртта ўйинда мағлуб бўлди ва бор-йўғи бир марта "Боруссия" (М) жамоаси билан дуранг ўйнади (0:0).
