"Ньюкасл" хўжайинлари, Саудия Арабистонининг Давлат инвестиция жамғармаси (PIF) А Сериянинг "Торино" клубини қўлга киритиш ҳақида ўйламоқда.
Бу ҳақда Calciomercato хабар бермоқда.
Уларнинг маълумотларига кўра, PIF ўз портфелига Италия клубини қўшмоқчи ва City Group ўхшаш ўз клублар тармоғини яратиш йўлида яна бир қадам ташламоқчи. "Торино" муносиб номзод сифатида кўрилмоқда, бироқ томонлар ҳали тўғридан-тўғри музокараларга киришгани йўқ.
Октябрь ойи охирида "Ред Булл" "Торино"га қизиқаётгани хабар қилинганди, бироқ австрия компанияси эътиборини "Женоа"га қаратди.
Ҳозирда "Торино" италиялик тадбиркор Урбано Кайрога тегишли. У, шунингдек, RCS Sport холдингига эгалик қилади, жумладан, машҳур La Gazzetta dello Sport нашри, шунингдек, Джиро д'Италия, Милан - Санремо, Ломбардия ва Тиррено - Адриатико каби этакчи итальян велопойгаларининг эгаси ҳисобланади.
"Торино" айни дамда А Сериянинг 13-туридан кейин 15 очко билан 11-ўринда бормоқда.
