"Nyukasl" xo‘jayinlari, Saudiya Arabistonining Davlat investisiya jamg‘armasi (PIF) A Seriyaning "Torino" klubini qo‘lga kiritish haqida o‘ylamoqda.

Bu haqda Calciomercato xabar bermoqda.

Ularning ma’lumotlariga ko‘ra, PIF o‘z portfeliga Italiya klubini qo‘shmoqchi va City Group o‘xshash o‘z klublar tarmog‘ini yaratish yo‘lida yana bir qadam tashlamoqchi. "Torino" munosib nomzod sifatida ko‘rilmoqda, biroq tomonlar hali to‘g‘ridan-to‘g‘ri muzokaralarga kirishgani yo‘q.

Oktyabr oyi oxirida "Red Bull" "Torino"ga qiziqayotgani xabar qilingandi, biroq avstriya kompaniyasi e’tiborini "Jenoa"ga qaratdi.

Hozirda "Torino" italiyalik tadbirkor Urbano Kayroga tegishli. U, shuningdek, RCS Sport xoldingiga egalik qiladi, jumladan, mashhur La Gazzetta dello Sport nashri, shuningdek, Djiro d'Italiya, Milan - Sanremo, Lombardiya va Tirreno - Adriatiko kabi etakchi italyan velopoygalarining egasi hisoblanadi.

"Torino" ayni damda A Seriyaning 13-turidan keyin 15 ochko bilan 11-o‘rinda bormoqda.