«Реал Мадрид» бу мавсумда жароҳатлар билан боғлиқ катта муаммоларни бошдан кечирмоқда.

Яқинда Чемпионлар лигасининг «Ливерпуль»га қарши ўйинида (0:2) Эдуардо Камавинга «Лос-Бланкос»нинг жароҳат олган футболчилари қаторига қўшилди - ярим ҳимоячи 56-дақиқада алмаштиришга мажбур бўлди. Шу тариқа, «Relevo» хабарига кўра, «Реал Мадрид» асосий таркибидаги 22 футболчидан атиги тўрт нафари жорий мавсумда жароҳатланмаган Улар орасида 39 ёшли Лука Модрич, шунингдек, Антонио Рюдигер, Фран Гарсия ва Эндрик ҳам бор.

1 декабрь куни Карло Анчелотти жамоаси Ла Лига доирасида «Хетафе»ни қабул қилади.