"Рома" бош мураббийи Клаудио Раньери жамоасининг Европа лигаси доирасида "Тоттенхэм"га қарши ўйиндаги (2:2) иштироки ҳақида фикр билдирди.
Лондонда римликлар иккинчи бўлимнинг қўшиб берилган вақтида Матс Хуммелснинг голи эвазига мағлубиятдан қутулиб қолди.
"Йигитлар ажойиб ўйин кўрсатишди. "Наполи" билан учрашувда кўрганларимдан норози бўлдим, чунки мен шунчаки ҳимояланишни ёқтирмайман.
Бу мен етказмоқчи бўлган хабар эди. Бу сафар мен жуда аниқ гапирдим ва футболчиларга фақат ҳимоя ҳақида ўйлайдиган жамоани хоҳламаслигимни айтдим.
Агар рақиб ҳужум қилмоқчи бўлса, биз ҳам худди шундай жавоб беришимиз керак", - дея Раньерининг сўзларидан иқтибос келтиради Football Italia.
