"Roma" bosh murabbiyi Klaudio Ranyeri jamoasining Yevropa ligasi doirasida "Tottenxem"ga qarshi o‘yindagi (2:2) ishtiroki haqida fikr bildirdi.
Londonda rimliklar ikkinchi bo‘limning qo‘shib berilgan vaqtida Mats Xummelsning goli evaziga mag‘lubiyatdan qutulib qoldi.
"Yigitlar ajoyib o‘yin ko‘rsatishdi. "Napoli" bilan uchrashuvda ko‘rganlarimdan norozi bo‘ldim, chunki men shunchaki himoyalanishni yoqtirmayman.
Bu men yetkazmoqchi bo‘lgan xabar edi. Bu safar men juda aniq gapirdim va futbolchilarga faqat himoya haqida o‘ylaydigan jamoani xohlamasligimni aytdim.
Agar raqib hujum qilmoqchi bo‘lsa, biz ham xuddi shunday javob berishimiz kerak", - deya Ranyerining so‘zlaridan iqtibos keltiradi Football Italia.
