"Ливерпуль" бош мураббийи Арне Слот жамоаларнинг АПЛ доирасидаги ўзаро ўйини олдидан "Манчестер Сити" бош мураббийи Пеп Гвардиола ҳақидаги фикрлари билан ўртоқлашди.
"Уларда ажойиб жамоа бор. Бу Гвардиолани дунёнинг энг яхши мураббийи деб ўйлашимнинг сабабларидан бири. Хосеп ҳар доим энг қийин вазиятларда қандай қилиб ечим топишни билади. Ҳозир унинг асосий муаммоси - Родрининг йўқлиги. Аммо ишончим комилки, у бу масалани ҳал қилади. Лекин умид қиламанки, бу бизнинг ўйинимиздан кейин содир бўлади", - дейди Слот.
Англия чемпионатининг 13-туридан ўрин олган “Ливерпуль” – “Манчестер Сити” учрашуви 1 декабрь, якшанба куни бўлиб ўтади.
