"Liverpul" bosh murabbiyi Arne Slot jamoalarning APL doirasidagi o‘zaro o‘yini oldidan "Manchester Siti" bosh murabbiyi Pep Gvardiola haqidagi fikrlari bilan o‘rtoqlashdi.
"Ularda ajoyib jamoa bor. Bu Gvardiolani dunyoning eng yaxshi murabbiyi deb o‘ylashimning sabablaridan biri. Xosep har doim eng qiyin vaziyatlarda qanday qilib yechim topishni biladi. Hozir uning asosiy muammosi - Rodrining yo‘qligi. Ammo ishonchim komilki, u bu masalani hal qiladi. Lekin umid qilamanki, bu bizning o‘yinimizdan keyin sodir bo‘ladi", - deydi Slot.
Angliya chempionatining 13-turidan o‘rin olgan “Liverpul” – “Manchester Siti” uchrashuvi 1 dekabr, yakshanba kuni bo‘lib o‘tadi.
