Шу ҳафтада Конференциялар лигасида 4-тур ўйинлари бўлиб ўтди.

Айтиш жоизки, турда катта ҳисобли ўйинлар кам бўлди. Улар орасида Англиянинг "Челси" ва Германиянинг "Хайденхайм" клублари ўртасидаги учрашув ҳам бор, унда лондонликлар атиги иккита гол урган.

Бироқ бу "Челси"нинг тўрт турдан сўнг урилган голлар бўйича Конференциялар лигасида пешқадам бўлишига тўсқинлик қилмайди. Энцо Мареска шогирдлари "Гент" (4:2), "Панатинаикос" (4:1), "Ноа" (8:0) ва "Хайденхайм" (2:0) билан учрашувларда 18 та гол уришга эришди.

"Челси"нинг Конференциялар лигасининг навбатдаги туридаги рақиби "Астана". Жамоалар ўртасидаги ўйин 12 декабрь куни бўлиб ўтади.