Суперлигада мавсумни "Пахтакор" 30 ноябрь куни Тошкент дербисида "Бунёдкор" билан якунлайди.
"Бунёдкор” билан кечадиган дербилар ҳамиша кескин тўқнашувларга бой тарзда ўтади. Ҳозиргача ўтказилган 37 беллашувнинг 15 тасида "Шерлар" ғолиб бўлишган. 9та баҳсда дуранг ва 13 ўйинда рақиб ғалабаси кузатилган. "Пахтакор" 50 тўп киритиб, 43 гол ўтказиб юборган. Жамоалар ўртасидаги энг йирик натижа 2020 йилнинг биринчи даврасида кузатилиб, унда "Пахтакор" 5:0 ҳисобида ютуққа эришган.
"Бунёдкор" майдонида кечган беллашувларда 6 ғалаба, 3 дуранг ва 9 мағлубият қайд этганмиз. Рақиб 30 тўп киритган ва жамоамиз 23 гол уришга муваффақ бўлган.
"Бунёдкор" ва "Пахтакор" жамоалари ўртасидаги ўйин 30 ноябрь, шанба куни соат 15:00да "Бунёдкор" стадионида бошланади.
