"Манчестер Юнайтед" бош мураббийи Рубен Аморим 1 декабрь куни бўлиб ўтадиган Англия чемпионати 13-турида "Эвертон"га қарши ўйинда ғалаба қозониш зарурлигини маълум қилди.
"Биз буни қилишимиз керак ("Эвертон"ни мағлуб этиш). Шундай бўлишини ва бунинг учун ҳеч қандай баҳона бўлмаслигини биламиз. Ғалаба қозониш учун якшанбага тайёр бўлишимиз керак.
Ўйинчиларимиз жуда яхши. Улар жараёнга ишонишлари керак ва улар (энг яхши) индивидуал ва жамоавий сифатларни кўрсатадилар", - дея Аморимнинг сўзларини келтирмоқда ESPN.
"Манчестер Юнайтед" - "Эвертон" ўйини "Олд Траффорд" стадионида бўлиб ўтади. Ҳакамнинг бошланғич ҳуштаги Тошкент вақти билан соат 18:30 да янграйди.
