Ўзбекистон шарафини ҳимоя қилувчи UFC жангчиси Богдан Гусков UFC 311 турнири доирасида жанг қилади. Бу ҳақда ташкилот матбуот хизмати хабар берди.

Турнирда 32 ёшли Гусковга бразилиялик Жони Уокер рақиблик қилади. Мусобақа 2025 йил 18 январь куни АҚШнинг Лос-Анежелес шаҳрида бўлиб ўтади.

Маълумот учун, Гусков шу вақтга қадар MMA’да 19 та жанг ўтказиб, 16 та ғалаба ва 3 та мағлубият қайд этган. У охирги жангини апрель ойида UFC on ESPN 55 турнир доирасида америкалик Райан Спеннга қарши ўтказиб, рақибини техник нокаутга учратганди.

Уокер MMA’даги дебютини 2013 йил декабрь ойида ўтказган. Кейинги тўрт йил давомида у Бразилиядаги жангларда қатнашиб, 10 та ғалаба ва 3 та мағлубиятни қайд этган. Барча ғалабалари муддатидан олдин якунланган. Уокер 2018 йил 11 август куни Дана Уайтнинг Contender Series турнирида дебют қилган. У Энрике да Сильва билан жанг қилиб, ҳакамларнинг бир овоздан чиқарган қарори билан ғалаба қозонган. Ушбу ғалаба Уокерга UFC рўйхатидан жой олиш имконини берган.