«Манчестер Юнайтед»нинг бош мураббийи Рубен Аморим бундай улкан клубда ишлашнинг ўзига қандай таъсир кўрсатиши ҳақида фикр билдирди. Португалиялик мутахассиснинг сўзларига кўра, муваффақиятсизликка учраган тақдирда ҳам у ўзини ўнглай олади.

«Мен ўзимни яхши ҳис қиламан. Ҳаётимнинг ҳозирги босқичида, нима бўлишидан қатъи назар, мен ўзимни яхши ҳис қиламан, шунинг учун хотиржамман. Ҳамма менга: «Бу сени ўзгартириб юборади» дейди. Аммо бу мени ўзгартирмайди. Агар бирор нарса юз берса, маълум вақт хафа бўламан, лекин ўзимни тиклашимни биламан. Айни пайтда, биз муваффақиятга эришамиз деб ишонаман.

Мен тайёрман. «Спортинг»даги ўйинчиларимни қолдириб кетиш мен учун қийин бўлди, лекин бундай имконият пайдо бўлганда, буни қилишим кераклигини ҳис қилдим. Балки бу тақдирдир», - деди Аморим.