"Реал Мадрид" мухлислари учун хушхабар. Жума кунидан машғулотларни бошлаган ҳужумчи Родриго Испания чемпионатининг навбатдаги ўйинида майдонга тушиши мумкин бўлади. Бу ҳақда Мадрид жамоаси бош мураббийи Карло Анчелотти матбуот анжуманида гапириб ўтди.
"Биз жароҳатлардан қийнаяпмиз, аммо Родриго эртага қайтади. Кейинги ўйинда Тчуаменига ишонишимиз мумкин. Камавинга ҳам тез орада сафга қайтади" - деди Анчелотти журналистларга.
"Реал Мадрид" айни дамда Ла Лига турнир жадвалида иккинчи ўринда бормоқда. Якшанба куни Карло Анчелотти шогирдлари “Хетафе”га қарши баҳс олиб боради.
