30 ноябрь куни бўлиб ўтган "Вест Хэм" ва "Арсенал" учрашуви ҳақиқий голлар "ёмғири" билан ёдда қолди. Лондон дербисида "Арсенал" рақибини 5:2 ҳисобида мағлубиятга учратди.

Ўйиннинг дастлабки 10-дақиқасида Букайо Саканинг узатмасини Габриэль Магальяес голга айлантириб, ҳисобни очди. 27-дақиқада Сака яна ассистент сифатида қайдномадан ўрин олди. Унинг узатмасидан кейин Леандро Троссард дарвозани ишғол қилди. Кейинги голлардан бирини 34-дақиқада Мартин Эдегор пенальтидан киритган бўлса, орадан атиги 2 дақиқа ўтиб Кай Хаверц ҳисобни 0:4 кўринишга келтириб қўйди.

38-дақиқада майдон эгалари ҳимоячиси Аарон Уан-Биссака бир гол билан жавоб қайтарган бўлса, 40-дақиқада эса "болтачилар"нинг яна бир ҳимоячиси Эмерсон гол урди. Биринчи бўлимга қўшилган 5-дақиқада пенальтидан Сака гол киритди.

"Арсенал" 25 очко тўплаб, ҳозирда турнир жадвалида иккинчи ўринда бормоқда. "Вест Ҳэм" эса 15 очко билан 14-ўринда жойлашган.

АПЛ, 13-тур
Вест Хэм – Арсенал 2:5 (2:5, 0:0)
Голлар: 0:1 – 10 Габриэл, 0:2 – 27 Троссард, 0:3 – 34, пенальти Эдегор, 0:4 – 36 Хавертц, 1:4 – 38 Уан-Биссака, 2:4 – 40 Эмерсон, 2:5 – 45+5, пенальти Сака.
Вест Хэм – Фабианьски, Эмерсон (Цоуфал, 65), Килмен, Тодибо, Уан-Биссака, Лукас Пакета (Родригес, 78), Соучек, Саммервилл (Альварес, 46), Солер (Ирвинг, 78), Боуэн, Антонио (Ингз, 65).
Арсенал – Райя, Калафьори (Зинченко, 56), Габриэл (Кивер, 46), Салиба, Тимбер, Райс, Жоржиньо, Эдегор (Габриэл Жезус, 74), Троссард (Нванери, 85), Хавертц, Сака (Стерлинг, 74).
Огоҳлантиришлар: Эмерсон (42), Сака (42), Саммервилл (45+1), Фабианьски (45+3), Соучек (90+4).