"Арсенал" барча мусобақаларда кетма-кет 4 та ўйинни мағлубиятсиз ўтказмоқда.

Микель Артета бошчилигидаги жамоа АПЛнинг 13-тури доирасидаги сафарда "Вест Хэм"ни мағлуб этди (5:2).

Шу тариқа, "Арсенал" барча мусобақаларда 4 та ўйиндан бери мағлуб бўлмаяпти: "Челси" билан дурангдан сўнг (1:1) Лондон клуби кетма-кет 3 та ғалабага эришди, умумий ҳисобда 13:3.

Артета шогирдлари 13 ўйиндан кейин 25 очко жамғарган ҳолда турнир жадвалида иккинчи ўринни эгаллаб турибди ва бир ўйини бор "Ливерпуль"дан 6 очко ортда қолмоқда.

4 декабрь куни АПЛнинг 14-турида "Арсенал" ўз майдонида "Манчестер Юнайтед"ни қабул қилади.