"Реал" Карло Анчелоттини истеъфога чиқариш ҳақида ўйламаяпти.

Олдинроқ клуб раҳбарияти ҳозирда "Байер"ни бошқараётган Хаби Алонсо келгунига қадар Сантьяго Соларини вақтинчалик мураббий этиб тайинлаш имкониятини кўриб чиқаётгани ҳақида хабарлар тарқалган эди.

Marca хабарига кўра, Мадриднинг "Реал" клуби Анчелоттининг яқин орада истеъфога чиқарилиши ҳақидаги миш-мишларни инкор этмоқда. Флорентино Перес италияликни тўлиқ қўллаб-қувватлайди - президент ва мураббий жамоадаги қийин вазиятдан хабардор ва доимий мулоқотда, муносабатларида кескинлик йўқ.

Қайд этилишича, айни дамда "Реал" тақвимнинг зичлиги ва жароҳатлар кўплигидан энг кўп хавотирда.