Жошуа Зиркзее август ойидан бери биринчи марта «Манчестер Юнайтед» сафида гол урди.

Ҳужумчи АПЛ 13-турининг 41 ва 64-дақиқаларида «Эвертон» дарвозасига манкунликларнинг иккинчи ва тўртинчи голларини киритди (4:0, иккинчи бўлим). Бунгача «МЮ» сафидаги ягона голни Зиркзе 16 август куни «Фулхэм»га қарши 1-тур учрашувида (1:0) киритганди.

Маркус Рэшфорд ҳам 34 ва 46-дақиқаларда гол уриб, дубль қайд этди. Ҳужумчи АПЛнинг кетма-кет 2-ўйинида гол урди - Рубен Аморим бошчилигида лигада 2 та ўйинда у 3 та гол урди. Эрик тен Хаг даврида Рэшфорд АПЛнинг 9 ўйинида атиги 1 та гол урди (Руд ван Нистелрой бошчилигидаги Премьер-лиганинг иккита ўйинида Маркус гол ура олмаганди).